काठमाडौं । राष्ट्रिय खेलकुद परिषद् (राखेप) ले आठौं राष्ट्रिय खेलकुद प्रतियोगितालाई प्रभाव पर्ने गरी बन्द र हड्तालका कार्यक्रम नगर्न सम्बद्ध सबैसँग अपिल गरेको छ।
राखेपका सदस्यसचिव केशवकुमार विष्टले मंगलबार अपिल जारी गरी प्रतियोगिताबाट खेलाडी राष्ट्रिय टिममा छनोट हुने अवसर पाउने र यसै वर्ष हुने १३ औं दक्षिण एशियाली खेलकुद ९साग० को छनोटका रुपमा प्रतियोगिता रहेको हुँदा हजारौं खेलाडीको खेल्न पाउने अधिकारलाई अवरोध नगर्न आग्रह गरेको हो।
विभिन्न जिल्लाबाट खेलाडी आउने क्रम जारी रहेको भन्दै अपिलमा भनिएको छ, ‘बन्द र हड्तालका कुनै पनि कार्यक्रम नगरिदिन हामी सबैलाई हार्दिक अपिल गर्दछौं। यदि पूर्वनिर्धारित कार्यक्रम भए फिर्ता लिइ खेलाडीको मनोभावनालाई कदर गरिदिनहुन पनि हामी अपिल गर्दछौं। आठौं सफल बनाउने दायित्व हामी सबैको हो।’
आठौं राष्ट्रिय खेलकुदको औपचारिक उद्घाटन वैशाख ५ गते राष्ट्रपति विद्यादेवी भण्डारीले गर्ने कार्यक्रम छ।
उद्घाटन अघि आठौंका १४ खेल आयोजना गरिएका छन्। २५ खेल बैशाख ५ देखि ११ गतेको अवधिमा सम्पन्न हुने अपिलमा उल्लेख छ। आठौं राष्ट्रिय खेलकुदमा ३५ खेल समावेश छन्।
दुई हजार आठ सय २५ पुरुष तथा दुई हजार तीन सय ८६ महिला खेलाडी सहभागी छन्। खेलाडी, प्रशिक्षक, व्यवस्थापक, प्राविधिकगरी करिब दश हजार जनाको प्रत्यक्ष सहभागी हुनेछन्।‘ अन्नपूर्णबाट ।
