काठमाडौँ । विप्लव नेतृत्वको नेकपाले गरेको बन्दको प्रभाव काठमाडौँ उपत्यकामा आंशिक परेको छ । काठमाडौँ भित्र्ने मुख्य नाका कलंकी–नागढुंगा सडकखण्डमा साबिकको चापमा सवारी साधन चलेका छन् ।
बिहानैदेखि बन्दको हल्ला भएपनि निजी तथा सार्वजनिक सवारी साधन निर्वाध चलिरहेका छन् । कलंकी सडक खण्डमा अहिलेपनि चन्द्रगिरी,थानकोट र रिद्धिसिद्धि यातायात चलिरहेका छन् ।
कलंकी ट्राफिक कार्यलयका अनुसार उक्त रुट भएर चल्ले सवारी साधनमा कुनै रोक रहेको छैन् । ठाउ ठाउमा सुरक्षा निकायका सेना र प्रहरी परिचालन गरिएको छ । काठमाडौँबाट बाहिरिने लामो दूरीका सवारी साधन पनि चलेका छन् ।
शैक्षिक संस्थाहरुमा भने बन्दको प्रभाव परेको छ । कलेज तथा विद्यालय नखुलेपछि पठनपाठन प्रभावित भएको छ ।
नेकपा विप्लव समूहले आज बन्द आह्वान गरेको हो तर, सरकारले उसका गतिविधिमाथि प्रतिवन्ध लगाएका कारण कहीँ पनि बन्दकर्ता सडकमा देखिएका छैनन् ।
