काठमाडौं । संवैधानिक आयोगहरूमा रिक्त पदाधिकारी नियुक्तिका विषयमा छलफल गर्न संवैधानिक परिषद्को बैठक आज बसेको छ ।
प्रधानमन्त्री केपी शर्मा ओली स्वीट्जरल्याण्ड भ्रमणमा जाने कार्यक्रम रहेकाले आजको लागि बैठक बोलाईएको प्रधानमन्त्री कार्यलयले जनाएको छ । बैठक ४ बजेदेखी सिंहदरवार स्थित प्रधानमन्त्री कार्यालयमा बसिरहेको छ ।
बैठकमा संविधान अनुसार गठन गर्नुपर्ने केही आयोगको गठन तथा रिक्त पदाधिकारी नियुक्तिबारे छलफल हुने स्रोतले बतायो । यद्यपि औपचारिक रूपमा भने एजेन्डा खुलाइएको छैन ।
प्रधामनन्त्री अध्यक्ष रहने परिषद्मा प्रधानन्यायाधीश, सभामुख, राष्ट्रिय सभाका अध्यक्ष र प्रमुख प्रतिपक्षी दलका नेता सदस्य रहने प्रावधान छ ।
