काठमाडौं। अस्ट्रेलियाको घरेलु क्रिकेट बिग ब्यास लिगमा नेपाली बलर सन्दिप लामिछाने २ विकेट लिएका छन् । टस जितेर बलिङ रोजेको मेलवर्नले सिड्नी सिक्सर्सलाई ब्याटिङको निम्तो दिएको थियो ।
सिड्नी सिक्सर्स बिरुद्दको आफ्नो तेस्रो खेलमा पनि सन्दिपले सुरुमै प्रभावशाली खेल देखाए हुन् । पहिलो ओभर सम्हालेर खेलेका सन्दिपले ४ रन खर्चेका थिए । उनले कुल १८ रन खर्चेर २ विकेट लिएका हुन् ।
डेब्यू खेलमा दुई विकेट लिएर आफ्नो प्रभाव छाडेका उनले दोस्रो खेलमा तीन विकेट लिए ।
लिगको तीन चरणको खेल चलिरहँदा सन्दीप कुल ७ विकेटसहित सर्वाधिक विकेट लिने खेलाडीको सूचीमा शीर्ष स्थानमा छन् । सिड्नी थन्डरका ड्यानियल साम्सले ६ र एडिलेड स्ट्राइकर्सका रासिद खानले ५ विकेट लिएका छन् ।
