काठमाडौं । नेपाल कम्युनिष्ट पार्टी (नेकपा)का अध्यक्ष पुष्पकमल दाहाल (प्रचण्ड)ले पार्टी र सरकारलाई थप सशक्त बनाउन आग्रह गरेका छन् । स्थायी समिति बैठकमा बोल्दै प्रचण्डले अब सदस्यहरुबाट व्यक्त विचार, सुझाव र आलोचनालाई आत्मसाथ गर्दै आफुहरु अगाडि बढ्ने बताएका हुन् ।
उनले छलफलबाट पार्टी र सरकारका कमीकमजोरीहरु सच्याएर अघि बढे सरकार बलियो हुने विश्वास समेत व्यक्त गरेका छन् । पार्टिका बिषयमा देखिएका समस्याको समाधानका लागी केन्द्रिय समितिले कार्यदल बनाएर हल गर्नुपर्ने बताएको नेता झलनाथ खनालले बताए छन् ।
भोली पुनः स्थायी समिति बैठक बस्ने र बैठकमा पार्टी अध्यक्ष एवं प्रधानमन्त्री केपी शर्मा ओलीले धारणा राख्ने उनले बताए । ओलीले धारणा राखेपछि बैठकले आवश्यक निर्णय लिने प्रवक्ता नारायणकाजी श्रेष्ठले जानकारी दिएका छन् ।
गत मङ्सिर २९ गतेदेखि शुरु भएको उक्त बैठक अध्यक्षद्वयले प्रस्तुत गरेको राजनीतिक प्रतिवेदनमाथिको छलफलमा ४६ सदस्यले विचार राखेका थिए ।
