काठमाडौँ । चेल्सी र टटनह्याम हट्स्पर काराबाओ कप फुटबलको सेमिफाइनलमा पुगेका छन् । गएराती भएको खेलमा जित हात पार्दै दुबै टोली अन्तिम चारमा स्थान बनाउन सफल भएका हुन् ।
बर्टन एल्बियन र म्यानचेष्टर सिटि यसअघि नै सेमिफाईनलमा प्रवेश गरिसकेका छन् । सेमिफाइनलमा चेल्सी र टटनहाम तथा सिटी र एल्बियनबीच प्रतिस्पर्धा हुनेछ । होम एण्ड अवेका आधारमा खेलाईने सेमिफाईनका खेल सन् २०१९ को जनवरी ८ र २२ मा हुनेछ ।
क्वाटरफाईनलका पछिल्लो खेलमा चेल्सीले वर्नमाउथलाई १–० गोल अन्तरले पराजित गरेको हो । ईडन हाजर्डले ८४ औँ मिनेटमा गरेको गोल नै चेल्सीलाई सेमिफाईनल पुग्नका लागी पर्याप्त भयो । आर्सनललाई २–० गोल अन्तरले स्तब्ध पार्दै टटनह्यामले अन्तिम चारमा स्थान पक्का गरेको हो । उसका लागि सन हङ्ग मिन र डेल अलिले गोल गरे । बीबीसी
