काठमाडौँ । टोखामा डेरा खोज्ने बहानामा आएर हत्या गर्ने ४ जना अभियुक्तलाई प्रहरीले प्रकाउ गरेको छ । आइतबार साँझ मुगु टोरु गाउँपालिकाकी २३ वर्षीया अजिता मल्ल शाहीलाई घाँटी थिचेर हत्या गरेको प्रहरीले जनाएको छ । हत्यामा संलग्न चारै जनालाई प्रहरीले काठमाडौँबाट पक्राउ गरेको छ।
पक्राउ पर्नेहरूमा २६ वर्षीया भगवती मल्ल,२४ वर्षीया विष्णुमाया मल्ल,२३ वर्षीया रिता केसी र २१ वर्षीया गण्डिपराज मल्ल रहेका छन्।
श्रीमान्ले सौता हालेको रिसमा कान्छी श्रीमतीलाई भाइ बहिनीसँग मिलेर घाँटि थिचेर हत्या गरेको स्वीकार गरेको प्रहरीले जनाएको छ ।
प्रहरीका अनुसार कोठा खोज्ने बहानामा आइतबार ४ बजे आसपास अजिताको कोठैमा पुगेर ४ जना मिली हत्या गरेका उनीहरूले कबुलेका हुन्।
अपराध महाशाखाका प्रमुख एसएसपी धिरजप्रताप सिंहले आइतबार साँझ ४ बजे प्रहरीले जानकारी पाए लगत्तै अनुसन्धान थालेको र पोस्टमार्टम रिपोर्ट आउन बाँकी रहँदै हत्यारा पक्राउ परिसकेको बताए।
