रुकुम पश्चिम । बालिका बलात्कारको अभियोगमा प्रहरीले एक युवालाई पक्राउ गरेको छ । सानीभेरी गाउँपालिकामा १५ वर्षीया एक बालिकामाथि बलात्कार गरेको अभियोगमा रुकुम पूर्व भूमे गाउँपालिका–९ चुनवाङका २१ वर्षीय मनोज ओलीलाई प्रहरीले पक्राउ गरेको छ ।
गत मंसिर २८ गते गोठमा बाख्रा बाँध्दै गरेकी बालिकालाई सेल्फी खिचौं भनेर बालिकालाई गोठ भित्र लगेर जबरजस्ती करणी गरेका ओलिलाई सोहि दिन प्रकाउ गरिएको थियो । प्रहरीले आइतबार पत्रकार सम्मेलन गरी अभियुक्त ओलीलाई सार्वजनिक गरेको हो।
पक्राउ परेका ओलीमाथी थप अनुसन्धान भइरहेको प्रहरीले जनाएको छ। ओली चुनवाङबाट जन्ती बनेर सानीभेरी गाउँपालिकासम्म पुगेका थिए।
