सिरहा । कांग्रेस सिराहाको सभापतिमा रामचन्द्र यादव निर्वाचित भएका छन् ।
संस्थापन पक्षका यादव दोस्रो कार्यकालको लागि सिराहा जिल्ला सभापतिमा निर्वाचित भएका हुन् ।
निर्वाचन अधिकृत सञ्जीवकुमार लामाका अनुसार यादवले एक हजार ४२६ मत ल्याएका छन् भने संस्थापन इतरपक्षका रामसुन्दर चौधरीले ८८७ मत ल्याए ।
निर्वाचनको क्रममा भएको विवाद समाधान नगरी मतदान गरिएको थियो । सुरक्षाकर्मी र निर्वाचन अधिकृतको मिलोमतोमा धाँधली गरेको आरोप लगाउँदै चौधरीपक्षले सोमबार मतदान र मंगलबार मतगणना बहिष्कार गरेको थियो ।
मतदानमा कुल करिब २७ सय मतदातामध्ये २४ सय ७३ मत खसेको थियो भने जसमध्ये १ सय ६० मत बदर भएको थियो ।
