एजेन्सी । आलिया भट्ट र रणवीर कपुर लामो समयदेखि हेडलाइन्सको हिस्सा बनेका छन् । रिपोर्टलाई विश्वास गर्ने हो भने, यी दुवैले यसै वर्ष विवाह गर्ने भएका छन् । फ्यानहरु आलिया र रणवीरको विवाहको प्रतिक्षामा छन् । दुवैले गत वर्ष विवाह गर्ने तयारीमा थिए तर कोरोना महामारीका कारण हुन सकेनन् । अब दुवैले डिसेम्बरमा विवाह गर्दैछन् ।
रिपोर्टका अनुसार आलिया र रणवीर लामो प्रतिक्षापछि यही वर्षको डिसेम्बरमा विवाह गर्दैछन् । रिपोर्टका अनुसार आलिया र रणवीरले इटालीमा विवाह गर्न लागेका छन् जसमा परिवारका सदस्य र केही विशेष साथीहरु पनि सहभागी हुनेछन् ।
एनिमलको सुटिङ स्थगित
ब्रह्मास्त्र पछि रणवीर कपुर आफ्नो आगामी फिल्म एनिमलको सुटिङ सुरु गर्ने तयारीमा थिए । तर अब रिपोर्टका अनुसार रणवीरले डिसेम्बरमा विवाह गर्ने भएकाले एनिमलको कार्यक्रम जनवरी २०२२ सम्म स्थगित गरेका छन् । यस फिल्ममा रणवीरसँगै परिणीति चोपडा, अनिल कपुर, बबी देओल महत्वपूर्ण भूमिकामा देखिनेछन् । अर्कोतर्फ आलिया भट्टको कुरा गर्दा उनले नोभेम्बरदेखि कुनै नयाँ काम सुरु गर्ने छैनन् । मंसिरपछि सिधै नयाँ वर्षदेखि काम थाल्ने छिन् ।
विक्की र कट्रिनाले पनि बिहे गर्दै
रिपोर्टहरू विश्वास गर्ने हो भने, आलिया र रणवीर मात्र होइन, विक्की कौशल र कट्रिना कैफ पनि डिसेम्बरमा विवाह गर्न लागेका छन्। ईटाइम्स रिपोर्टका अनुसार, दुवैको अगस्ट १८ मा रोकिएको थियो र अब दुबैले आफ्नो सम्बन्धलाई अर्को स्तरमा लैजाने निर्णय गरिरहेका छन्।
तर, रोकाको खबर बाहिर आएपछि कट्रिनाको टिमले यसलाई अफवाह भनेका थिए । यसैबीच, विक्कीले पनि हालै रोकाको खबरमा मौनता तोडेका छन् । ईटाइम्सको रिपोर्ट अनुसार विक्की र कट्रिनाले विवाहको तयारी सुरु गरिसकेका छन् । उनको विवाहको पोशाक सब्यसाँचीले डिजाइन गरेका हुन् । उनी अहिले विवाहका लागि कपडा छनोट गरिरहेका छन् । कट्रिनाले आफ्नो विवाहमा सिल्कको लेहेंगा लगाउने भएकी छिन् ।
