काठमाडौं । नेकपा एमालेका अध्यक्ष केपी शर्मा ओलीले सत्तागठबन्धनलाई कुहिएको फर्सिको संज्ञा दिएका छन् ।
मंगलबार ललितपुरमा आयोजित पार्टी प्रवेश कार्यक्रमलाई सम्बोधन गर्दै ओलीले यस्तो प्रतिक्रिया दिएका हुन् ।
अध्यक्ष ओलीले भने, ‘अहिले हामीले प्रचण्ड, माधव नेपाल देखेका छौं, उहाँहरुको चर्चा गरिरहन चाहन्न, जनताले चिनिसके । गठबन्धन भनेको अहिले बाहिरबाट हेर्दा सग्लै छ जस्तो, यसो औंलाले छुनुभो भने बोक्रो हट्नेबित्तिकै फत्याकफुतुक कुहिएको फर्सिजस्तो यिनीहरु चिनिन्छन् ।’
आगामी स्थानीय तहको निर्वाचनमा बामपन्थीहरुको पुरानो किल्लाको रुपमा रहेको ललितपुरलाई थप सशक्त बनाउन ओलीले आग्रह गरे ।
बामपन्थी भन्नाले अन्य कोही छकि भनेर भ्रममा नपर्न पनि ओलीले आग्रह गरे ।
ओलीले भने, ‘बामपन्थी भन्नाले अन्य कोही छकि भनेर भ्रममा नपर्नु होला, बामपन्थी भनेको सिंगल एमाले हो । कांग्रेसको पछाडि–पछाडि लाग्ने बामपन्थी हुन्छ ? कांग्रेसको पछाडि लागेपछि कांग्रेसपन्थी भएन ?’
