एजेन्सी । बलिउडको पावर कपल रणवीर कपुर र आलिया भट्ट बिहीबार विवाह बन्धनमा बाँधिएका छन् । यो जोडीको विवाहको सबै समारोह रणवीर कपुरको पाली हिलस्थित वास्तु अपार्टमेन्टमा भएको थियो ।
रिपोर्टका अनुसार दुवैले पञ्जाबी रीतिथिति अनुसार विवाह गरेका हुन् । दुवैको विवाहको तस्विर पनि सामाजिक सञ्जालमा छाएको छ । फ्यानदेखि लिएर सेलिब्रेटीसम्म सबैले सामाजिक सञ्जालमार्फत नवविवाहित जोडीलाई बधाई दिइरहेका छन् ।
सामाजिक सञ्जालमा बधाईको ओइरो लागेको छ । मिस्टर र मिसेस कपूरको विवाहको खबर आधिकारिक रूपमा बाहिर आएदेखि नै सामाजिक सञ्जालमा ट्रेन्डिङ हुन थालेको छ ।
