ललितपुर । ललितपुर महानगरपालिकामा प्रमुखमा नेपाली कांग्रेसका चिरीबाबु महर्जन र उपप्रमुखमा नेकपा (एमाले)की उम्मेदवार मञ्जली शाक्यको अग्रता कायम रहेको छ ।
पछिल्लो अपडेट अनुसार कांग्रेसका मेयर पदका उम्मेदवार चिरीबाबु महर्जनले ८७७ र एमालेका हरिकृष्ण ब्यञ्जनकारले ४०२ मत पाउनुभएको छ ।
त्यस्तै ललितपुर महानगरपालिकाका उप-मेयर पदका नेकपा एमाले तर्फबाटका उम्मेदवार मञ्जली शाक्यले हालसम्म ४४४ मत प्राप्त गर्नुभएको छ भने नेकपा माओवादी केन्दतर्फका उप-मेयर पदका उम्मेदवार बाबुराज बज्रचार्यले २६७ मत प्राप्त गर्नुभएको छ ।
ललितपुर महानगरपालिकाको कुल जनसंख्या २ लाख ९९ हजार ८४३ रहेको छ । जसमध्ये जम्मा एक लाख २२ हजार ९८० जना नागरिकहरु मात्र मत हाल्न योग्य रहेका छन् ।
