काठमाडौँ । नेकपा (माओवादी केन्द्र) को केन्द्रीय समितिको बैठक स्थगित भएको छ ।
शुक्रबार बस्ने भनिएको बैठक अनिनिश्चित कालका लागि स्थगित भएको हो । स्थानीय तह निर्वाचनको समीक्षाका लागि माओवादी केन्द्रले शुक्रबार साँझ केन्द्रीय समितिको भर्चुअल माध्यमबाट बैठक बस्ने बताएको थियो । संसद्को बैठक बसिरहेको र सांसदहरु त्यतै व्यस्त रहनुपरेकाले बैठक स्थगित गरिएको जनाइएको छ ।
संसद्को बैठकमा ह्विप जारी भएकाले पार्टीका मन्त्री, सांसद्समेत रहेका केन्द्रीय सदस्यहरु बैठकमा केन्द्रीत हुनुपरेकाले केन्द्रीय समितिको बैठक स्थगित गरिएको हो ।
केन्द्रीय समितिको बैठकले अहिलेसम्म केन्द्रीय पदाधिकारी चयन गर्न सकेको छैन । आज शुक्रबार समितिको बैठक बसेर स्थानीय तहको निर्वाचनबारे समीक्षा गर्ने र आगामी असार १५ गते पदाधिकारी चयन गर्ने पार्टीको पूर्व स्थायी समितिको बैठकले निर्णय गरेको थियो ।
