काठमाडौं । एएफसी एसियन कप छनोटको तेस्रो चरणको आफ्नो अन्तिम खेलमा नेपालले लज्जास्पद हार बेहोरेको छ ।
मंगलबार राति कुवेतको जाबिर अल अहमद स्टेडियममा भएको खेलमा १० खेलाडीमा समेटिएको नेपाल इन्डोनेसियासँग ७–० गोल अन्तरले पराजित भएको हो ।
खेलको छैटौं मिनेटमा मुहमद दिमास द्रजाडले गोल गर्दै इन्डोनेसियालाई सुरुवाती अग्रता दिलाएका थिए ।
३३ औं मिनेटमा डिफेन्डर सुमन अर्यालले रातो कार्ड पाई मैदान बाहिरिएपछि नेपाल १० खेलाडीमा समेटिएको थियो ।
खेलको ४३ औं मिनेटमा वितान सुलेमानले गोल गर्दै इन्डोनेसियालाई २–० को अग्रता दिलाए । यस्तै, ५४ औं मिनेटमा आर्यन्टोले गोल गर्दै इन्डोनेसियालाई ३–० को अवस्थामा ल्याए ।
५५ औं मिनेटमा साद्दिल रामदानीले गोल गर्दै टोलीको अग्रता ४–० बनाए । खेलको ८० औं मिनेटमा एल्कन बाग्गोटले गोल गर्दै इन्डोनेसियाको अग्रता ५–० को बनाए ।
खेलको ८१ औं मिनेटमा सुलेमानले व्यक्तिगत दोस्रो गोल गर्दै इन्डोनेसियालाई ६–० को अवस्थामा पुर्याए । खेल सकिनै लाग्दा इन्जुरी समयमा मार्सेलिनो फेर्डिनानले गोल गर्दै इन्डोनेसियालाई ७–० को सानदार जित दिलाए ।
हारसँगै समूह ए मा रहेको नेपालले अंक जोड्न नसकि प्रतियोगिताको अन्त्य गर्यो
नेपाल समूहको पुछारमा रह्यो । छनोटको पहिलो खेलमा जोर्डनसँग २(० ले पराजित बनेको नेपाल दोस्रो खेलमा आयोजक कुवेतसँग ४–१ गोलले पराजित बन्यो ।
अर्कोतर्फ, ३ खेलमा ६ अंक जोडेको इन्डोनेसिया दोस्रो स्थानमा रह्यो ।
