म्याड्रिडः बार्सिलोनाले स्पेनी ला लिगामा शनिबार सेभियालाई ३-० को गोल अन्तरले हराउँदै आफ्नो अपराजित यात्रा कायम राखेको छ । यो जितसँगै बार्सिलोना चार खेलबाट १० अंक सहित लिग तालिकाको दोस्रो स्थानमा उक्लेको छ ।
बार्सिलोनालाई सेभियाको मैदानमा जित दिलाउन राफिन्हाले २१औं, रोवर्ट लेवान्डोस्कीले ३६औं र एरिक गार्सियाले ५०औं मिनेटमा गोल गरे ।
गत वर्षको लिग बिजेता रियल म्याड्रिड भने चार खेलबाट १२ अंकसहित पहिलो स्थानमा छ ।
रियलले रियल बेटिसलाई २-१ को गोला अन्तरले हराएको थियो । घरेलु मैदानमा रियलका लागि भिनिसियस जुनियरले नवौँ र रोड्रीगोले ६५औं मिनेटमा गोल गरे । बेटिसका लागि सर्जी कानालेसले एक गोल फर्काए ।
रियल सोसिडाड र एटलेटिको म्याड्रिड तथा मार्लोका तथा जिरोनाले समान १–१ को बराबरी खेले । एजेन्सी
