एजेन्सी । इंग्लिस प्रिमियर लिग फुटबल अनतर्गत लिभरपुलले जित निकालेको छ । आइतबार राति भएको खेलमा लिभरपुलले म्यान्चेस्टर सिटीलाई १–० गोलले पराजित गरेको हो ।
घरेलु मैदान एनफिल्डमा लिभरपुललाई जित दिलाउन एकमात्र निर्णायक गोल मोहम्मद सलाहले गरे । उनले ७६ औं मिनेटमा गोल गरेका हुन् ।
योसँगै सिजनको पहिलो हार ब्यहोरेको म्यान्चेस्टर सिटी १० खेलबाट २३ अंकसहित तालिकाको दोस्रो स्थानमा रहेको छ । लिभरपुल ९ खेलबाट १३ अंकसहित आठौं स्थानमा उक्लिएको छ ।
यस्तै, आइतबार राति नै भएको अर्को खेलमा आर्सनलले लिड्स युनाइटेडलाई पराजित गरेको छ । बुकायो साकाले ३५ औं मिनेटमा गरेको गोल नै आर्सनलको जितमा निर्णायक गोल बन्यो ।
