काठमाडौं । आइतबार केन्द्रिय सुरक्षा समितिको बैठक बसेको छ ।
सिंहदरबारस्थित गृह मन्त्रालयमा गृहमन्त्री बालकृष्ण खाणको अध्यक्षतामा बसेको बैठकले ४ ओटा निर्णय गरेको छ ।
निर्णयहरु यसप्रकार रहेका छन्ः
-केन्द्रीय सुरक्षा समितिको बैठकले कोभिड तेस्रो लहर बढ्ने सम्भावना उच्च र यसलाई रोकथाम तथा नियन्त्रण गर्ने निर्णय गरेको छ ।
-जनताको स्वास्थ सम्बन्धि स्वास्थ सामग्रीलाई सहज व्यवस्थापन तथा कालोबजारीलाई नियत्रण गर्ने निर्णय गरेको छ ।
-बैठकले बाडीपहिरो र डुबानमा परेका समुदायहरुलाई राहत,उद्दार र नियत्रण स्वास्थ तथा खाद्य सामग्री सहजी कारण गर्न हेली व्याथापन गर्ने निर्णय गरेको छ ।
-पछिल्लो समय साइबर क्राइमका घटना बढिरहेकाले त्यसलाई मध्यनजर गर्दै नियन्त्रण तथा व्यवस्थापन गर्ने गरेको छ ।
समितिले गरेको निर्णयमा 'साइबर क्राइम बढेको र व्यवस्थापन एवं नियत्रण गर्ने' उल्लेख छ ।
उक्त बैठकमा गृह सचिव महेश्वर न्यौपाने ,नेपाली सेनाका रथी प्रभुराम शर्मा ,प्रहरी महानिरीक्षक शैलेस थापा क्षेत्री ,सशस्त्र प्रहरी महानिरीक्षक शैलेन्द्र खनाल ,राष्ट्रिय अनुसन्धान बिभाग प्रमुख गणेश प्रसाद अधिकारी,रक्षा मन्त्रालयका (सह-सचिव तथा कामु सचिव) आलोकचन्द्र श्रेष्ठ ,गृह मन्त्रालयका प्रबक्ता फणीन्द्रमणि पोखरेल लगायत उपस्थित रहेका थिए ।
