काठमाडौं । आज नेकपा एमालेको स्थायी कमिटी र संसदीय दलको बैठक बस्दैछ । अध्यक्ष केपी शर्मा ओलीले स्थायी कमिटीको बैठक आह्वान गरेका हुन् ।
स्थायी कमिटी बैठक ललितपुरको च्यासलस्थित तुल्सीलाल स्मृति प्रतिष्ठानको भवनमा ११ बजे बस्नेछ ।
पार्टीभित्रको विवाद र संसदमा पार्टीले खेल्ने भूमिका लगायतका विषयमा बैठकमा छलफल हुने एमाले नेताहरुले बताएका छन् ।
त्यसपछि दिउँसो तीन बजे संसद भवनको ल्होत्से हलमा संसदीय दलको बैठक बस्ने छ ।
