काठमाडौं । युरो २०२० को समूह चरणको खेल अन्तरगत कोपनहेगनमा डेनमार्क र फिनल्याण्डबिच भएको आजको (आईतबार) खेलमा फिनल्याण्डले जित हात पारेको छ । फिनल्याण्डले डेनमार्कमाथी १-० गोलअन्तरले जित हात पारेको हो । फिनल्याण्डका लागि पोजह्नपालोले खेलको ६० औं मिनेटमा गोल गरेका थिए ।
डेनमार्कको लागि गोल फर्काउन पेनाल्टी पाएपनि उक्त पेनाल्टीमा गोल गर्न भने सकेन । खेलको ७४ औं मिनेटमा पिएरे इमिल गोल गर्न चुकेका थिए । युरोकपमा फिनल्याण्डको यो ऐतिहासिक जित हो । पहिलो पटक युरोकप खेलिरहेको फिनल्याण्डको युरोमा पहिलो जित हो ।
जितसँगै समूह 'बी' को फिनल्याण्डले पहिलो खेलमा ३ अंक जोडेको छ । यता डेनमार्कका फुटबल खेलाडी (क्याप्टेन) क्रिस्टियन एरिक्सन खेलका दौरान मैदानमा ९क्याप्टेन० एरिक्सन अचानक ढलेपछि उनलाई अस्पताल पुर्याईएको छ ।
२९ वर्षिय खेलाडी एरिक्सन खेलको पहिलो हाफको ४३ औं मिनेटमा एक्कासी बेहोस भएर मैदानमा ढलेका थिए। उनको अवस्था अहिले स्थिर भएको रहेको यूईएफएले जनाएको छ । एरिक्सन खेलको दौरानमा त्यसरी घाईते भएपछि खेल केहि समयको लागि अवरुद्ध पनि भएको थियो । तर अस्पताल पुगाईएका खेलाडि एरिक्सनको अवस्था स्थिर भएको खबर पश्चात खेल पुनः खेलिएको हो।
