काठमाडौँ । भारतमा जारी १४ औं संस्करणको साफ च्याम्पियनसिप फुटबल अन्तर्गत नेपाल र पाकिस्तानबीच प्रतिस्पर्धा जारी छ ।
बैंगलोरस्थित श्री कान्तीरवा स्टेडियममा जारी खेलमा पहिलो हाफ सकिँदा दुबै टोलीले गोल गर्न सकेका छैनन् ।
नेपालले पाकिस्तानलाई तुलनात्मक रुपमा केही दबाबमा राखेको छ ।
१३ औं मिनेटमा नेपाललाई गोल गर्ने अवसर थियो । नेपालले राम्रो स्थानबाट फ्रिकिक पाएको थियो । तर विमल घर्तीमगरले प्रहार गरेको फ्रिकिक आकाशिन पुग्यो ।
यस्तै, ४२ औं मिनेटमा पुनः विमल घर्तीमगर गोल गर्नबाट चुके । उनले डी–बक्स भित्रबाट प्रहार गरेको बललाई सिधै पाकिस्तानका गोलरक्षक युसुफ बटले बचाउ गरे ।
दुबै टोली पहिलो जितको खोजीमा छन् । साथै, दुबै टोली नकआउट चरण पुग्नबाट बञ्चित छन् । तसर्थ दुई टोलीका लागि यस खेल प्रतिष्ठाको लडाई मात्र हुनेछ ।
