काठमाडौँ । कुवेत भारतमा जारी १४ औं संस्करणको साफ च्याम्पियनसिपको फाइनलमा प्रवेश गरेको छ ।
शनिबार बैंगलोरस्थित श्री कान्तीरवा स्टेडियममा भएको खेलमा बंगलादेशलाई १–० गोलले पराजित गर्दै कुवेत फाइनलमा पुगेको हो ।
कुवेतलाई फाइनलमा पुर्याउन एकमात्र निर्णायक गोल अब्दुल्लाह बोलुसीले गरे । उनले खेलको १०५+२ मिनेटमा गोल गरेका हुन् ।
निर्धारित ९० मिनेटसम्म दुबै टिमबाट गोल हुन नसक्दा खेल अतिरिक्त समयमा धकेलिन पुगेको थियो । अब कुवेतले उपाधिका लागि आज राति हुने भारत र लेवनानबीचको विजेतासँग प्रतिस्पर्धा गर्नेछ ।
