काठमाडौँ । इटाली भ्रमणमा रहनुभएका प्रधानमन्त्री पुष्पकमल दाहाल प्रचण्डसँग इन्टरनेशनल फण्ड फर एग्रिकल्चर (आईएफएडी) का प्रमुख अल्भारो लारियोबीच भेटवार्ता भएको छ ।
मंगलबार बिहान भएको भेटवार्तामा आईएफएडीद्वारा सञ्चालित विभिन्न परियोजनाका समीक्षा, आईएफएडी र नेपालबीचका सम्बन्धलगायतका बारेमा कुराकानी भएको प्रधानमन्त्री प्रचण्डका प्रेस संयोजक सूर्यकिरण शर्माले जानकारी दिनुभयो ।
नेपालको कृषि क्षेत्रमा आईएफएडीको पहलमा विभिन्न परियोजनाहरु सञ्चालित छन् ।
संयुक्त राष्ट्रसङ्घीय खाद्य तथा कृषि सङ्गठनको मुख्यालय इटालीको रोममा जारी संयुक्त राष्ट्रसङ्घीय खाद्य प्रणाली २०२३ सम्मेलनका क्रममा भाग लिन प्रधानमन्त्री प्रचण्ड यही साउन ६ गते इटाली प्रस्थान गर्नुभएको हो ।
