काठमाडौं । नेपालबाट चोरी गरेर अमेरिका पुर्याइएका ४० वटा काठका कलाकृति फिर्ता ल्याइएको छ ।
प्राचीन कलाकृति १९ / २० औं शताब्दीका भएको जनाईएको छ । अमेरिका स्थित नेपाली दूतावासले अमेरिकी सरकारको डिपार्टमेन्ट अफ होमल्याण्ड सेक्युरिटीको एचएसआईबाट प्राप्त गरेका ४० वटा काठका कलाकृति नेपाल पठाएको हो ।
यो पनि पढ्नुहोस –५० वर्षअघि चोरी भएका १२ सय वर्ष पुराना मूर्ति नेपाल फर्काइयो
नेपालबाट गैरकानूनी रूपमा निर्यात गरिएका कलाकृतिहरू अगस्ट २०१० मा अमेरिकी सरकारको सीबीपीले हवाईमा जफत गरेको थियो । सरकारले सन् २०११ मा यी कलाकृतिहरु फिर्ता गर्न अमेरिकी सरकारलाई अनुरोध गरेको भएपनि झण्डै १२ बर्षपछि यी कलाकृतिहरु फिर्ता भएको हो ।
क्यालिफोर्नियाका अबैतनिक महावाणिज्यदूत ऋषि ढकालको पहलमा कतार एयरवेजले कार्गोले यी कलाकृतिहरूलाई काठमाडौं ल्याउदै छ । दूताबसले नेपालका हराएका र चोरिएका सम्पदाको पुन:प्राप्ति र फिर्ता ल्याउने अभियानमा नेपाल सरकारका, होमल्याण्ड सेक्युरिटी विभागको होमल्याण्ड सेक्युरिटी इन्भेष्टिेशेन, अमेरिकी विदेश मन्त्रालय, सीबीपी, अनुसन्धानकर्ताहरू, अभियानकर्ताहरू, संञ्चारक्षेत्र लगायत लगायत सबैलाई धन्यवाद दिएको छ ।अप्रिल २०२२ देखि हालसम्म ऐतिहासिक, सांस्कृतिक र धार्मिक महत्वका ४७ वटा कलाकृति नेपाल फिर्ता पठाइसकेको छ ।
महावाणिज्यदूत ढकालले भातृभूमीको सम्पदाहरु पुन स्वदेशमा फिर्ता गर्न पाउदा देशका लागि केही योगदान गरेको अनुभूति भएको बताउनु भयो ।
