काठमाडौँ । नेकपा (एमाले) का उपाध्यक्ष विष्णु पौडेलले सार्वभौम जनताका प्रतिनिधिहरुको सभा, संविधानसभाबाट नेपालको संविधान जारी भएको आज ऐतिहासिक दिन भएको बताउनुभएको छ ।
सामाजिक सञ्जाल फेसबुकमार्फत संविधान दिवसका अवसरमा शुभकामना दिँदै उहाँले आजको दिनलाई संविधान रक्षा र कार्यान्वयन गर्दै संविधानले परिकल्पना गरेको समृद्धि, सामाजिक न्याय र समाजवाद प्राप्तिको दिशामा अविचलित भएर अघि बढ्न प्रेरणा लिने दिन हो भन्नुभएको छ ।
साथै उहाँले आज सामाजिक सद्भाव र राष्ट्रिय एकताको पक्षमा असाधारण योगदान गर्न संकल्प गर्ने दिन पनि भएको उल्लेख गर्नुभएको छ ।
