एजेन्सी । एकदिवसीय विश्वकप २०२३ मा आज दुई खेल हुँदैछन् । धर्मशालास्थित हिमाचल प्रदेश क्रिकेट एसोसिएसन स्टेडियम (एचपीसीए)मा पहिलो खेल अफगानिस्तान र बंगलादेशबीच जारी छ । बंगलादेशले टस जितेर पहिले बलिङ गर्ने निर्णय लियो ।
३७.२ ओभरमा अफगानिस्तान अलआउट हुँदै १५६ रन बनाएको छ । बंगलादेशलाई जितका लागि १५७ रनको लक्ष्य मिलेको छ ।
अफगानिस्तानको टोलीले राम्रो सुरुवात गरेको थियो । टोलीले पहिलो १० ओभरमा एक विकेट गुमाएर ५० रन बनाएको थियो । इब्राहिम जाद्रान २२ रन बनाएर आउट भए । रहमानुल्लाह गुरबाजले ६२ बलमा ४७ रन जोडेका थिए । तर, त्यसपछि अफगानिस्तान दबाबमा आयो । हशमातुल्लाह शाहिदिले ३८ बलमा १८ रन जोडे ।
रहमात शाहले पनि २५ बलमा १८ रन जोडे । नजिबुल्लाह जार्दान १३ बलमा ५ रनमात्रै जोडेर आउट भए । मोहम्मद नाबीले पनि १२ बलमा ६ रन मात्रै जोडे । यस्तै, अजमातुल्लाह ओमारजाईले २० बलमा २२ रन जोड्दा राशिद खानले १६ बलमा ९ रनमात्रै जोडे ।
बंगलादेशका लागि शाकिब अल हशन र मेहेदी हसन मिराजले ३–३ विकेट लिए भने शोरिफुल इश्लामले २ तथा ताश्किन अहमद र मुस्ताफिजुर रहमानले १–१ विकेट लिए ।
