काठमाडौं । शिक्षा मन्त्रालय र सरोकारवालाहरुबीच कोरोना संक्रमणको दोस्रो लहर सुरुभएसंगै अब शैक्षिक संस्थाहरु सञ्चालन गर्ने कि बन्द गर्नेभन्ने विषयमा छलफल सुरु भएको छ । शिक्षा मन्त्री कृष्णगोपाल श्रेष्ठको सचिवालयले मन्त्रालयमा छलफल जारी रहेको जानकारी दिएको छ ।
कोभिड संकट व्यवस्थापन केन्द्र (सीसीएमसी)ले बालबालिकामा कोरोना भाइरसको नयाँ स्वरुप (युके भेरियन्ट) को संक्रमण उच्च देखिएको भन्दै विद्यालय तथा कलेजहरु कम्तीमा तीन सातासम्म बन्द गर्न प्रस्ताव समेत गरेको थियो ।
तर संस्थागत विधालयहरुले भने यो कदमको विरोध जनाएका छन् ।
