एजेन्सी । फिफा विश्वकप छनोट अन्तर्गत कोलम्बियाले जित निकालेको छ । केहीबेरअघि सम्पन्न खेलमा कोलम्बियाले ब्राजिललाई २-१ गोलले पराजित गरेको हो ।
खेलको चौंथो मिनेटमा गाब्रियल मार्टिनेलीले गोल गर्दै पाहुना टोली ब्राजिललाई सुरुवाती अग्रता दिलाएका थिए । तर, दोस्रो हाफमा ७५ औं र ७९ औं मिनेटमा लुइस डियाजले गोल गर्दै कोलम्बियालाई जित दिलाए ।
यो नतिजासँगै ५ खेलमा ९ अंकका साथ कोलम्बिया तालिकाको तेस्रो स्थानमा छ भने समान खेलबाट ७ अंकका साथ ब्राजिल पाँचौं स्थानमा छ ।
