काठमाडौं। नक्कली भुटानी शरणार्थी प्रकरणको थुनछेक आदेशविरुद्धको उच्च अदालत पाटनमा पुनरावेदनको बहस सकिएको छ ।
आज जवाफी बहस सकिएसँगै न्यायाधीश प्रकाश खरेल र जनक पाण्डेको संयुक्त इजलासले भोलि आदेश आउने बताउनुभएको छ । काठमाडौं जिल्ला अदालतले दिएको थुनछेक आदेशविरुद्धको पुनरावेदन निवेदनमाथिको सरकारी वकिलको बहस भने हिजो सकिएको थियो ।
नक्कली भुटानी शरणार्थी प्रकरणका २० प्रतिवादीले पुनरावेदन गरेका थिए । काठमाडौं जिल्ला अदालतले यसअघि १६ जनालाई थुनामा राख्ने आदेश दिएको थियो ।
