एजेन्सी । फ्रेन्च क्लब पेरिस सेन्ट जर्मेन (पिएसजी)ले च्याम्पियन्स लिगको नकआउट चरणमा स्थान बनाएको छ ।
गएराति भएको समूह चरणको अन्तिम खेलमा जर्मन क्लब बोरुसिया डर्टमण्डसँग १–१ गोलको बराबरी खेल्दै समूह उपविजेता बनेर अन्तिम १६ मा स्थान पक्का गरेको हो ।
यस समूह एफ मै भएको अर्को खेलमा इटालियन क्लब एसी मिलानले इंग्लिस क्लब न्युक्यासल युनाइटेडलाई २–१ गोलले पराजित गर्यो ।
विजयी बनेपनि मिलान नकआउट चरणमा पुग्न भने सकेन । पिएसजी र मिलानको समान ८ अंक रहेपनि गोल डिफरेन्सको आधारमा पिएसजीले नकआउट चरणको टिकट काटेको हो ।
