काठमाडौँ । इन्डियन प्रिमियर लिग (आईपीएल) क्रिकेटमा मुम्बई इन्डियन्सले दिल्ली क्यापिटल्सलाई १० रनले पराजित गरेको छ ।
अरुण जेटली स्टेडियममा भएको खेलमा मुम्बईले टस जितेर पहिले बलिङ रोजेको थियो ।
दिल्लीले निर्धारित २० ओभरमा ४ विकेट गुमाएर २५७ रन बनायो । मुम्बईले पनि कडा संघर्ष गरेपनि टिमले २० ओभरमा ९ विकेट गुमाएर २४७ रन मात्रै बनाउन सक्यो ।
दिल्लीका ज्याक फ्रेजर–मगार्कले २७ बलमा ८४ रनको इनिङ खेले । उनले पारीमा ११ चौका र ६ छक्का प्रहार गरे । ट्रिस्टन स्टब्सले ४७ र शाइ होपले ४१ रन बनाए । मुम्बईका लागि ल्यूक वुड, जसप्रित बुमराह, पियुष चावला र मोहम्मद नाबीले समान १–१ विकेट लिए ।
मुम्बईका लागि तिलक वर्माले ६३, हार्दिक पाण्ड्याले ४६ र टिम डेभिडले ३७ रन बनाए । सूर्यकुमार यादव २६ रन बनाएर आउट भए भने इशान किशन २० रन बनाएर आउट भए । दिल्लीका रसिख सलाम र मुकेश कुमारले ३–३ विकेट लिए । खलिल अहमदले पनि २ सफलता हात पारे ।
