एजेन्सी । बलिउड अभिनेता अनुपम खेरको मुम्बईस्थित वीरा देसाईको अफिसमा चोरी भएको छ । कार्यालयको लेखा विभागको सेफ बाकस लिएर चोरहरु फरार भएका छन् ।
यति मात्र होइन, चोरहरूले फिल्मको नेगेटिभ बक्स पनि साथमा लगेका छन् । सीसीटीभी फुटेजमा चोरहरू अटोमा बसेको देखिएका छन् ।
अनुपम खेरले यस विषयमा मुम्बई प्रहरीमा उजुरी दिएका छन् । अनुपम खेरले आफ्नो सामाजिक सञ्जाल अकाउन्टमा यो सम्पूर्ण कुराको जानकारी दिएका छन् । उनले भाँचिएको ढोकाको भिडियो पनि सेयर गरेका छन् । यो घटना १९ जुनको हो ।
चोरहरूले ताला तोडेर नगद सहित करिब ४.१५ लाख रुपैयाँ बराबरको सामान चोरेको प्रहरी अधिकारीले बताए । अनुपम खेरले पनि यसबारे ईटाइम्ससँग कुरा गर्दै चोरहरूले चोरी गरेको रिल झोलामा रहेको बताए ।
अनुपम खेरले भने, ‘यो पुरानो भवन हो, जसमा केही सीसीटीभी क्यामेरा मात्र छन् । मैले पाएको फुटेजमा दुई चोरले मिलेर चोरी गरेको देखेँ । अम्बोली प्रहरीले उनीहरुको खोजी गर्ने आश्वासन दिएको छ । यस सम्बन्धमा प्रहरीले अनुसन्धान थालेको जानकारी गराएको छ ।’
