काठमाडौँ । सरकारले सोमबारबाट २० देखि २५ मिनेटमै कोरोना परीक्षण गररेपछि रिपोर्ट आउने एन्टिजेन परीक्षण सुरु गरेको छ । स्वास्थ्य तथा जनसङ्ख्या मन्त्रालय अन्तर्गतको इपिडिमियोलोजी तथा रोग नियन्त्रण महाशाखाका निर्देशक डा. वासुदेव पाण्डेका अनुसार काठमाडौँ उपत्यकाका कोरोना प्रभावित क्षेत्रमा एन्टिजेन परीक्षण सुरु गरिएको हो ।
डा. पाण्डेले सोमबार मात्रै पनि पाँच सय जनाको एन्टिजेन परीक्षण गरिएको र २० देखि २५ मिनेटमै कोरोना परीक्षण गरी रिपोर्ट आएको बताउनुभयो ।
डा. पाण्डेका अनुसार काठमाडौँ महानगरका विशालनगर, मित्रपार्क, कोटेश्वर,चाबहिल, बालाजु क्षेत्रमा एन्टिजेन परीक्षण गरिने भएको हो । एन्टिजेनमा पीसीआर जस्तै विधि भएको बताउँदै डा. पाण्डेले घाँटीबाट स्वाब सङ्कलन गरेर परीक्षण गरिने बताउनुभयो । ।
