काठमाडौं । नेपाल कम्युनिष्ट पार्टी (नेकपा) स्थायी कमिटीका सदस्य रघुजी पन्त अस्पताल भर्ना भएका छन् । काठमाडौं मोडल अस्पतालमा उहाँ भर्ना हुनुभएको छ ।
पन्तलाई पेटसम्बन्धी समस्या देखिएपछि अस्पताल भर्ना गरिएको जानकारी नेकपा केन्द्रीय सदस्य विष्णु रिजालले दिनुभएको हो ।
चिकित्सकले नेता पन्तलाई केही दिन अस्पतालमा राखिने उपचार गर्नुपर्ने बताएको छ । नेकपा केन्द्रीय सदस्य विष्णु रिजालले नेता पन्तलाई स्वास्थ्यलाभको कामना पनि गर्नुभएको छ । समाजिक सञ्जालमार्फत रिजालले नेता पन्तलाई स्वास्थ्यलाभको कामना गर्नुभएको हो ।
विष्णु रिजाल- 'नेकपा स्थायी कमिटी सदस्य आदरणीय दाइ रघु पन्त पेटसम्बन्धी समस्याका कारण काठमाडौं मोडल अस्पताल भर्ना हुनुभएको छ । म उहॉको शीघ्र स्वास्थ्यलाभको कामना गर्दछु ।'
