बुटवल । बुटवलको कोरोनाविशेष अस्पतालमा थप एक जना कोरोना संक्रमितको मृत्यु भएको छ ।असोज ११ गते कोरोना पोजिटिभ देखिएर होम आइसोलेसनमै बसेका
रुपन्देहीको सैनामैना–७ रामापुरका ६० वर्षीय वृद्धको बुटवल कोरोनाविशेष अस्पतालमा गत राति मृत्यु भएको अस्पतालका सूचना अधिकारी डा. विष्णु गौतमले बताए ।
होम आइसोलेनमा बसेका ती वृद्धलाई स्वास्थ्यमा थप समस्या भएपछि असोज १३ गते अस्पताल भर्ना थिए । उनलाई २ दिनदेखि भेन्टिलेटरमा राखेर उपचार गर्दागर्दै गत राति मृत्यु भएको डा. गौतमले बताए ।
