काठमाडौँ । इंग्लिस प्रिमियर लिग फुटबलमा लिभरपुल र म्यान्चेस्टर युनाइटेडले बराबरी खेलेका छन् ।
गएराति भएको खेलमा दुबै टिमले २-२ गोलको बराबरी खेल्दै अंक बाँडेका हुन् ।
युनाइटेडको घरेलु मैदान वल्ड्र ट्राफोर्डमा भएको खेलको पहिलो हाफमा कुनै गोल भएको थिएन । सबै गोल दोस्रो हाफमा सम्भव भएको थियो ।
५२ औं मिनेटमा लिसान्ड्रो मार्टिनेजले गोल गर्दै युनाइटेडलाई सुरुवाती अग्रता दिलाएका थिए । ५९ औं मिनेटमा कोडी गाक्पोले गोल गर्दै लिभरपुललाई बराबरीमा ल्याए ।
७० औं मिनेटमा मोहम्मद सलाहले पेनाल्टीमार्फत गोल गर्दै लिभरपुललाई २-१ गोलले अघि बढाए । तर, ८० औं मिनेटमा अमद डियालोले गोल गर्दै युनाइटेडको हार टारे ।
बराबरीको नतिजापछि पनि लिभरपुल अंकतालिकाको शीर्षस्थानमा यथावत छ । उसको १९ खेलबाट ४६ अंक छ । युनाइटेड २३ अंकका साथ १३ औं स्थानमा छ ।
