काठमाडाैँ। राष्ट्रिय स्वतन्त्र पार्टी (रास्वपा) का सांसद सागर ढकाल सवार गाडी गुल्मीमा दुर्घटनामा परेको छ।
सांसद ढकाल सवार बा ०१–०२९ च ७३४३ नम्बरको गाडी रेसुंगा नगरपालिका–४ रैंदीमा दुर्घटनामा परेको जिल्ला प्रहरी कार्यालय गुल्मीका सूचना अधिकारी प्रहरी नायब उपरीक्षक वीरेन्द्र वीर विश्वकर्माले जानकारी दिए ।
‘गाडी सामान्य दुर्घटना भएको हो । गाडीमा चालकसहित ३ जना सवार हुनुहुँदो रहेछ, सबैजना सुरक्षित हुनुहुन्छ’, प्रहरी नायब उपरीक्षक विश्वकर्माले शिलापत्रसँग भने ।
दुर्घटनाग्रस्त गाडी सडकको लाइनबाट केही बाहिर पुगेको उनले बताए । दुर्घटनाबारे थप विवरण आउन बाँकी छ । सांसद ढकाल गुल्मी क्षेत्र नम्बर १ बाट निर्वाचित भएका थिए ।
