काठमाडौँ । उपप्रधानमन्त्री एवं अर्थमन्त्री विष्णुप्रसाद पौडेलले विधेयकलाई सकेसम्म संगतिपूर्ण, सम्पुष्ट र राम्रो बनाउनुपर्ने बताउनुभएको छ ।
मंगलवारको अर्थ समितिको बैठकमा बोल्दै यहाँले यस्तो बताउनुभएको हो । अर्थ समितिको बैठकमा आज भन्सार सम्बन्धी कानूनलाई संशोधन र एकीकरण गर्न बनेको विधेयक उपर दफावार छलफल भएको थियो । सोही बारेमा अर्थमन्त्री पौडेलले विधेयकलाई सकेसम्म संगतिपूर्ण, सम्पुष्ट, सकेसम्म राम्रो बनाउनुपर्ने र अर्कोतिर छिटो भन्दा छिटो टुंगोमा पु¥याउनुपर्ने आवश्यकता रहेको उल्लेख गर्नुभयो । उहाँले छिटो र राम्रो गर्नुपर्ने आवश्यकताका बीचमा तादात्म्यता कायम गरिकन समितिले यो विधेयकलाई अगाडि बढाइरको भन्दै खुशी व्यक्त गर्नुभयो ।
अर्थमन्त्री पौडेलले भन्नुभयो,‘हामीलाई दुई वटा चिज सँगै गर्नुछ । एकातिर विधेयकलाई सकेसम्म संगतिपूर्ण, सम्पुष्ट, सकेसम्म राम्रो बनाउनुपर्ने एकातिर छ भने अर्कोतिर छिटो भन्दा छिटो टुंगोमा पु¥याउनुपर्ने आवश्यकता छ । छिटो र राम्रो गर्नुपर्ने आवश्यकताका बीचमा तादात्म्यता कायम गरिकन समितिले यो विधेयकलाई जसरी अगाडि बढाएको छ । त्यसका निम्ति खुशी व्यक्त गर्न चाहन्छु ।’
समितिको बैठकमा बोल्दै नेपाली काँग्रेसका सांसद एवं पूर्वअर्थमन्त्री ज्ञानेन्द्रबहादुर कार्कीले भन्सार भनेको भिन्नै ग्रह हो र भिन्नै ग्रहका लागि भिन्नै नियम बनाइरहेका छौँ भन्नेगरी सोच्न नहुने बताउनु भयो । उहाँले बैंक ग्यारेन्टीको अर्को एउटा विकल्प राख्दा अन्यथा नहुने बताउनु भयो ।
उहाँले भन्नुभयो, ‘भन्सार भनेको भिन्नै ग्रह हो । हामी भिन्नै ग्रहका लागि भिन्नै नियम बनाउँदैछौँ भन्ने हिसावले गइरहेको छ । बैंक ग्यारेन्टीका सम्बन्धमा मलाई के लाग्छ भने बैंक ग्यारेन्टी राख्दा यसबाट कुनै गम्भीर असर राजश्वमा पर्छ भने यसको बारेमा सोचौँ । होइन भने हरेक ठाउँमा कानूनी मान्यता पाएको कानूनी मान्यताअनुसारको बैंक ग्यारेन्टीको सुविधा दिँदा त्यो मान्छेले आफ्नो संकटबाट मुक्त हुन उसलाई पनि अरु अवसर छ । बैंक ग्यारेन्टीको अर्को एउटा विकल्प राख्दा अन्यथा होला जस्तो लाग्दैन ।’
अर्थ समितिमा केही दिन यता भन्सार सम्बन्धी कानूनलाई संशोधन र एकीकरण गर्न बनेको विधेयक उपर दफावार छलफल भइरहेको छ ।
