काठमाडौं । राप्रपा नेपालका अध्यक्ष कमल थापाले ६५ वर्ष उमेर समूहको सिङ्गल र डबल्स दुवैतर्फको टेनिस उपाधि जितेका छन् ।
काठमाडौंको मण्डिखाटारमा आयोजित एमेच्युअर टेनिस प्रतियोगिता–२०२५“ मा थापाले ६५ वर्ष उमेर समूहको भेट्रान्स सिङ्गल र डबल्स दुबै उपाधी जित्न सफल भएका हुन् ।
आज बिहान भएको फाइनलमा सिङ्गलतर्फको फाइनलमा कर्मा घलेलाई ६–०, ६–० को सोझो सेटमा पराजित गरेका थिए । यसैगरी डबल्सतर्फ झ्याम्पा डोन्डुपको आफ्नो जोडीले मनोज राणा र प्रकाशसिंह बोगटीको जोडीलाई ६–२, ६–३ को सेटमा जित निकालेका थिए ।
थापा टेनिसको भेट्रानतर्फ लामो समयदेखि निरन्तर आफ्नो उमेर समुहको शीर्ष स्थानमा छन् ।
