काठमाडौँ । काठमाडौं जिल्ला अदालतले पत्रकार दिलभूषण पाठकलाई २५ हजार रुपैयाँ धरौटीमा छाड्न आदेश दिएको छ ।
न्यायाधीश खेमराज भट्टको इजलासले बिहीबार पत्रकार पाठकलाई २५ हजार धरौटीमा रिहा गर्न आदेश दिएको हो ।
उनले आजै धरौटी बुझाउने तयारी गरेका छन् । पाठकले केही समयअघि ‘टफ टक विथ दिलभूषण पाठक’ नामको युट्युब च्यानलमार्फत ‘हिलटन होटल र कांग्रेस सभापति शेरबहादुर देउवाका छोरा जयवीरबारे’ भिडियो रिपोर्ट प्रसारण गरेका थिए ।
उनीविरूद्ध विद्युतीय कारोबार ऐन २०६३ अन्तर्गतको कसुरमा पक्राउ पुर्जी जारी भएपनि उच्च अदालत पाटनले भने पक्राउ नगर्न आदेश दिएको थियो ।
असार १६ गते पाठकविरूद्ध साइबर अपराधको मुद्दा दर्ता भएको थियो ।
