काठमाडौं । टी–२० विश्वकपमा अलराउन्डर दिपेन्द्र सिंह ऐरीको अर्धशतकमा नेपालले वेस्ट इन्डिजलाई १३४ रनको लक्ष्य दिएको छ ।
मुम्बईस्थित वानखडे स्टेडियममा टस हारेर ब्याटिङको निम्तो पाएको नेपालले २० ओभरमा ८ विकेट गुमाएर १३३ रन बनायो ।
नेपालका लागि उपकप्तान ऐरीले सर्वाधिक ५८ रन बनाए । उनले ४७ बलमा ३ चौका र ३ छक्का प्रहार गरे । दीपेन्द्र टी२० विश्वकपमा नेपालका लागि अर्धशतक बनाउने दोस्रो खेलाडी हुन् । यसअघि सन् २०१४ मा सुबास खकुरेलले हङकङ विरुद्ध अर्धशतक प्रहार गरेका थिए ।
यस्तै, सोमपाल कामीले १५ बलमा ४ चौका प्रहार गर्दै अविजित २६ रन बनाए ।
सातै विकेटका लागि दीपेन्द्र र सोमपालले ५४ रनको साझेदारी गरे । यस्तै, लोकेश बमले १३, ओपनर आसिफ शेख र गुल्सन झाले समान ११ रन जोड्दा अन्य खेलाडीले दोहोरो अंकमा रन जोड्न सकेनन् ।
बलिङतर्फ वेस्ट इन्डिजका जेसन होल्डरले चार तथा अकिल हुसेन, म्याथ्यु फोर्डे, समर जोसेफ र रोस्टन चेजले एक–एक विकेट लिए ।
