इन्ग्लिश प्रिमियर लिग क्लब आर्सनल एफए कप फुटबलको चौंथो चरणमा प्रवेश गरेको छ । तेस्रो चरणमा सोमबार राति भएको खेलमा आर्सनलले लिड्स युनाइटेडलाई १–० गोल अन्तरले पराजित गर्दै चौंथो चरणमा प्रवेश गरेको हो ।
घरेलु मैदानमा रेइस नेल्सनले आर्सनललाई जित दिलाउनका लागि निर्णायक गोल गरेका थिए ।पहिलो हाफ भने गोलरहित बराबरीमा सकिएको थियो । दोस्रो हाफको ५५ औं मिनेटमा नेल्सनले निर्णायक गोल गरेका थिए । उनको यो एफए कपमा पहिलो गोल हो ।
प्रिमियर लिगमा क्रिस्टलसँगको खेलअघि आर्सनल एफएफ कपको चौंथो चरणमा पुगेको हो । लिगमा आर्सनलले शनिबार क्रिस्टलको सामना गर्दैछ । अब आर्सनलले चौंथो चरणमा बर्नेमाउथको सामना गर्नेछ ।
