च्याम्पियन्स लिग फुटबलमा चेल्सीले भ्यालेन्सियासंग बराबरी खेलेको छ । बुधबार राति भएको समूह एचको खेलमा भ्यालेन्सियासंग २–२ गोलको बराबरी खेल्दै चेल्सीले अंक बाँडेको हो । खेलको ४० औ मिनेटमा कार्लोस सोलरको गोलबाट भ्यालेन्सियाले अग्रता लिएको थियो । त्यसअघि घरेलु टोलीका माक्सी गोमेजले दुई गोलका अवसर खेर फालेका थिए ।
लगत्तै चेल्सीका माटेव कोभासिसले गोल गर्दै चेल्सीलाई पुनः खेलमा फर्काएका थिए ।
क्रिस्टियन पुलिसिसले ५० औ मिनेटमा गोल गर्दै चेल्सीलाई २–१ ले अघि बढाएका थिए ।चेल्सीका टिमबाट फरवार्ड टमी अब्राहमले चोटका कारण पहिलो हाफपछि मैदान छाड्न बाध्य भएका थिए । दोस्रो हाफमा किपा अरियाजबलागाले ड्यानियल परेजोको पेनाल्टी रोक्दै चेल्सीको अग्रतालाई जोगाउने काम गरेका थिए ।
तर चेल्सिको दुर्भाग्य खेल सकिन ८ मिनेट बाँकी छदाँ ड्यानियल वासले गोल गर्दै चेल्सीसंग अंक खोस्न सफल रहे । बराबरीको नतिजाले चेल्सीको नकआउट चरणको यात्रा भने अब कठिन मोडमा पुगेको छ । चेल्सीले ८ अंक ल्याई तेस्रो स्थानमा छ । भ्यालेन्सिया समान अंक भएपनि दोस्रो स्थानमा रहेको छ ।
