काठमाडौं । राष्ट्रिय स्वतन्त्र पार्टी (रास्वपा)को प्रथम महाधिवेशनअन्तर्गत भरतपुरमा आयोजित उद्घाटन सत्रमा नेकपा (एमाले)का उपमहासचिव प्रदीप ज्ञवाली पुगेका छन् ।
रास्वपाले महाधिवेशनको उद्घाटन सत्रमा सहभागी हुन सबै राजनीतिक दलका अध्यक्ष तथा सभापतिलाई निमन्त्रणा दिएको थियो । तर पार्टीको तर्फबाट उद्घाटन सत्रमा उपमहासचिव ज्ञवाली सहभागी भएका हुन् ।
यसैगरी, प्रमुख राजनीतिक दलहरू नेपाली कांग्रेस, एमाले र नेपाल कम्युनिस्ट पार्टी (नेकपा) का तर्फबाट पनि दोस्रो तहका नेताहरू महाधिवेशनमा सहभागी भएका छन् ।
रास्वपाको प्रथम महाधिवेशन आइतबारदेखि भरतपुरमा औपचारिक रूपमा सुरु भएको हो। महाधिवेशन असार ९ गतेसम्म सञ्चालन हुनेछ । महाधिवेशनमार्फत पार्टीको भावी राजनीतिक दिशा, संगठनात्मक संरचना तथा नीतिगत विषयमा छलफल हुने कार्यक्रम रहेको छ ।
