काठमाडौं। पूर्वगृहमन्त्री ओमप्रकाश अर्यालले देशमा नागरिकहरूसंग सहकार्य होइन, प्रतिद्वन्द्विता बढाउने क्रम जारी रहेको टिप्पणी गर्नुभएको छ ।
त्रिपुरेश्वरस्थित राहदानी विभागअगाडि आत्मदाह गरेका २५ वर्षीय गणेश नेपाली प्रति भावपूर्ण श्रद्धाञ्जली तथा परिवारजनमा समवेदना गर्दे अर्यालले स्वर्गीय गणेश र परिवारजनले न्याय पाउनु पर्ने जनाउनु भएको छ ।
सामाजिक संञ्जालमा उहाँले लेख्नुभएको छ-
कानुनी राज्य कसरी सञ्चालन हुन्छरु सर्वप्रथम: सरकार सञ्चालनकर्ता स्वयंले बुझ्नु पर्छ, अनि नागरिकसंग सहकार्य गर्नु पर्दछ । आज पनि देशमा नागरिकहरूसंग सहकार्य होइन, प्रतिद्वन्द्विता बढाउने क्रम जारी छ । फेरि पनि मुलुकलाई द्वन्द्व र अनिष्टको दुष्चक्रमा फसाउने गल्ती नहोस् ।
कानुनी राज्यमा नागरिकले मात्र होइन, सरकारले पनि विधिविधानको सही रूपमा पालना गर्नु पर्दछ । सबै विचारधारा, वर्ग समुदायहरूका नागरिकसंगको सहकार्यमा सत्य, निष्ठा र मानवताको आधारमा राज्य सञ्चालन हुनु पर्दछ । स्पष्ट छ कि, सुशासनको मेरूदण्ड कानुनी शासन हो । तर कानुनी शासन भएको देशमा आम नागरिकहरूलाई सास्ती नै सास्ती र सरकार सम्बद्ध व्यक्तिहरूलाई चाहिँ उन्मुक्ति नै उन्मुक्ति हुनुहुदैन । अहिले पनि लक्षणहरू राम्रा देखिएका छैनन् ।
स्वर्गीय गणेश नेपाली र परिवारजनले न्याय पाउनु पर्छ । स्वर्गीय गणेश नेपाली प्रति भावपूर्ण श्रद्धाञ्जली तथा परिवारजनमा समवेदना !
