एजेन्सी । इन्ग्लिश प्रिमियर लिग फुटबलमा आइतबार राति भएको खेलमा आर्सनल वाट्फोर्डसँग २–२ गोलको बराबरीमा रोकिएको छ । वाट्फोर्डको मैदानमा २ गोलको अग्रता जोगाउन नसक्दा आर्सनल बराबरीमा रोकिएको हो ।
आर्सनलका पेरिक एम्रिक आबुमियाङले दुई गोल गर्दा । वाट्फोर्डका टम क्लेभर्ली र रोबर्टो पेरेयाराले एक एक गोल गरेका थिए । आबुमियाङले खेलको २१ औं मिनेटमा गोल गर्दै आर्सनललाई सुरुवाती अग्रता दिलाएका थिए ।
३२ औं मिनेटमा आबुमियाङले नै पुनः व्यक्तिगत दोस्रो गोल गर्दै आर्सनललाई २–० को अग्रता पनि दिलाए ।तर, दोस्रो हाफमा वाट्फोर्डको लागी खेलको ५३ औं मिनेटमा क्लेभर्लीले गोल गर्दै खेल २–१ मा पुर्याए ।
तर रोबर्टोले खेलको ८१ औं मिनेटमा पेनाल्टीमा गोल गर्दै खेल २–२ को बराबरीमा ल्याउदै वाट्फोर्डलाई हार हुनबाट जोगाइदिए । वाट्फोर्डले ५ खेलमा २ अंक जोडेको छ । पुछारको वाट्फोर्डको यो दोस्रो बराबरी हो ।
बराबरीको खेलसंगै आर्सनलले तेस्रो स्थानमा उक्लने मौका गुमाएको छ । आर्सनलले ५ खेलबाट ८ अंक जोडेको छ र लिगको सातौं स्थानमा रहेको छ ।
