बलिउड अभिनेता अक्षय कुमारले भारतको असम राज्यका बाढी पीडितलाई दुई करोड भारु सहयोग गरेका छन्।
उनले आफ्नो औपचारिक ट्वीटरमार्फत असम राज्यका बाढी पीडितलाई दुई करोड भारु सहयोग गरेको जानकारी गराएका हुन् ।
अक्षयले ट्वीट मार्फत जानकारी दिंदै सो दुई करोड मध्ये उनले १ करोड भारू असम मुख्यमन्त्री राहत कोष र अर्को १ करोड भारू काजीरंगा नेशनल पार्कलाई सहयोग गरेको बताउँदै लेखेका छन् ‘यो खबर सुनेर दुःख लागेको छ। यो समयमा बाढी पीडितहरूलाई सहयोग गर्न आवश्यक छ। म सीएम रिलिफ फन्ड र काजीरंगा पार्कलाई १–१ करोड सहयोग गर्न चाहन्छु,’ उनले भनेका छन्।
