बलिउड अभिनेता रणबीर कपूर र आलिया भट्टले गुपचुप रुपमा इन्गेजमेन्ट गरेको खबर यतिबेला चर्चामा छ । आलिया र रणबीरले भारतमा नभइ स्वीट्जरल्याण्डमा इन्गेजमेन्ट गरेको भारती मिडियाहरुले जनाएको छ ।
रणबीरले हालै आयोजित एक अवार्ड शो मा आलियाका अगाडि घुँडा टेक्दै आफ्नो माया दर्शाएका थिए । यसरी नै कपूरले आलियाका अगाडि घुँडा टेक्दै स्वीटजरल्याण्डको सेन्ट मोरिसमा प्रपोज गरेका चर्चा चलेको हो ।
इन्गेजमेन्टपछि भव्य पार्टी पनि आयोजना गरेको खबर मिडियाले जनाएको छ ।
यस विषयमा आलिया र रणबीर वा उनीहरुका परिवारको तर्फबाट कुनै पनि बयान आएको छैन । तर रणबीरका बुवा ऋषि कपूर छिट्टै नै स्वास्थ्य उपचार पूरा गरेर अमेरिकाबाट भारत फर्कने तयारीमा छन् ।
ऋषि कपूर भारत फर्किएपछि आलिया र रणबिरको विवाह हुने चर्चा पनि रहेको छ ।
