बर्दिया । बर्दियाको मधुवन नगरपालिका–१ का वडाध्यक्ष पर्शुराम चौधरीले कार्यपालिका सदस्य धनवीर परियारमाथि कुर्सी प्रहार गरेका छन् ।वडाका सामाजिक परिचालिका हटाइएको विषयमा विवाद भएपछि वडाध्यक्षले कार्यपालिका सदस्य धनवीरमाथि आक्रमण गरेका हुन् ।
फागनु २४ गते नारी दिवसको अवसरमा वडा कार्यालयले आयोजना गरेको कार्यक्रममा कार्यपालिका सदस्य धनवीरले काम गरिरहेका सामाजिक परिचालिका हटाइएको भन्दै आपत्ति जनाएका थिए ।
२७ गते कार्यपालिकाको बैठक डाकियो । बैठक सकिनै लाग्दा पुगेका परियारले आफू नगर प्रमुख गणेश केसीसँग छलफल गरिरहेका बेला वडाध्यक्ष चौधरीले एक्कासी कुर्सी प्रहार गरेको बताए।
वडाध्यक्ष चौधरीले धनवीरमाथि कुर्सीनै प्रहार गरेपछि नगर प्रमुख केसीले छुट्याएका थिए ।
वडाध्यक्ष चौधरी तत्कालीन माओवादी केन्द्रबाट निर्वाचित भएका हुन भने परियार सोही वडाबाट नेपाली कांग्रेसका तर्फबाट मनोनित कार्यपालिका सदस्य हुन् ।
