काठमाडौँ । काठमाडौँ गोल्डेन्सले धनगढी प्रिमियर लिग (डीपीएल) क्रिकेट प्रतियोगिताको कुनै पनि संस्करण नखेल्ने घोषणा गरेको छ ।
बिहीबार गोल्डेन्सका अलराउन्डर विदेशी खेलाडी अंकित दबासलाई डीपीएलको टुर्नामेन्ट टेक्निकल कमिटीले आगामी खेलमा प्रतिबन्ध लगाउने निर्णय गरेपछि उक्त निर्णय गरेको हो ।
गोल्डेनले त्यसकै विरोधमा आज हुने भनिएको महेन्द्रनगर युनाइटेडविरुद्धको खेलपनि बहिस्कार गरेको छ ।
काठमाडौं गोल्डेन्सले क्वालिफायर खेल बहिस्कार गरेपछि महेन्द्रनगर युनाइटेड धनगढी प्रिमियर लिग (डीपीएल) क्रिकेट प्रतियोगिताको फाइनल प्रवेश गरेको छ ।
अब डीपीएलको फाइनलमा महेन्द्रनगरले सीवाईसी अत्तरियासँग खेल्नेछ ।
